عید الاسلام الیوم کل الفرح بیــه
عایدت کل الناس بس ولفی ناسیه
***
سدینه باب الغیض او سیرنه لیکم
عید الفطر هل یوم سکروا حچیکم
***
محتار افکر بیک و اشلون ادشـــکم
هم تدری بل بوسات مکتوب اسمکم
***
تانیتک اصغیرون هسه کبرنا
لو انته لو مارید لاخر عمرنه
***
تانینی یا محبوب عیدک امبــــارک
عید الله خاف انساک لو انسه دارک
***
باب الگلب مفتوح للی ذکــــــــــرنا
انزیل الزعل و الغیض کلنه انتمنی
***
عنوانک ایضل دوم بل گلب مرســـوم
لو ما تفک الباب کل عمری ماصوم
***
هل الهلال الیوم محبوبی فرحــــــــان
امشی و ابوس الباب لو ماهو زعلان
***
جیتک و انه الزعلان و الحگ الیه
خل الزعل مطروح حد المنــــــــیه
***
فرحانه کل الناس تزهی الشــــوارع
عید الفطر هل یوم و بل وجنه طالع
***
سلّم ولا تنحاش لل مایقــــــــــدرون
جاک الگلب والروح کیّف یمجنون
***
الیله لیلة عید اسعد ایامــــــــــــه
دگ الگلب یهوای نبضه العلامه
***
تستاهل انمر بیک یا شمعه یا مــــــای
کل گعده ما ناسیک ذچرک بقی اویای
***
دیران اهلنه الیوم بیهه الفرح جـــــــــــاد
صوت الهلاهل صاح ذکری لل امجاد
***
ما تدری هذا الیوم یکمل حچیـــــنه
خیر او فرح موجود بس مر علینه
***
رن المبایل حیل ینشد علیـــــــــــــــــه
یدری الفرح هل یوم و انه اعلی جیه
***
ولم زلاطه او زاد خل چایک ایفــــور
جبنه الفرح و الخیر عد بیتک انزور
***
لا تعتذر جیناک انه او عمامـــی
بل گعده و الفنجان عطّر کلامی
***
بوسه علی الخدین خلینی احبــــــــک
عید الفطر جیناک بس فک لی گلبک
***
دره و افکر بیک و اشلون ازورک
تدری الگلب جوعان قدم فطــورک
***
جانه الفرح و العید محزن لگانــــــی
شنهی السبب ما جیت گلبک نسانی
***
حبک یبعد الروح سهّر لیالــــــی
ما اگد انه انساک بل گلب غالی
***
لا تستحی یهوای سلّم ابعینـــک
رمز الطلبته ایصیربینی اوبینک
***
چفیه و یه اعگال و البشت فوگـــه
طایح الزی ویاک او گلبی لحوگه
***
بویه اشکثر زعلان شنهی الطلابـــــه
جاوب سلامی ارجوک ماکو غضابه
***
نظاره ام ملیون لابس یـــدولاب
گلبی یفکر بیک چویته ما طاب
***
تمشی مشی الغزلان چنک حمامـــه
والگلب ذاب اعلیک و انسه عمامه
***
اول بدوتی اعلیک و اول کلامــــــی
عایدتک او ما جیت وینک یضامی
***
سامحنی عندی اعتاب و انوب اجیکم
ادری الگلب تعبان زاد ابحچیـــــــکم
***
لو بل گلب علوات خلینی اها ویــه
الحسّانی المظلوم من هو الیداویه
***
من زغری و انظلمیت و اشعاری احذای
اون ابونین الدوح ما ونن اویــــــــــــــای
***
جاسم امحمد الجبیره الحسّانی الساری
:: برچسب‌ها:
دارمیات عید الفطر المبارک ,
:: بازدید از این مطلب : 4129
|
امتیاز مطلب : 7
|
تعداد امتیازدهندگان : 3
|
مجموع امتیاز : 3
عضو شوید
عضویت سریع
آمار مطالب
آمار بازدید
